БЕОҐРАД – Явна поволанка за подношенє вимогох за витворйованє права на стимулациї хтори виплацує Министерство польопривреди, лєсарства и водопривреди, за управянє з ризиками през премию осиґураня урожаю, плодох, вецейрочних засадох, розсаднїкох и животиньох за 2023. рок, розписана 16. октобра и будзе тирвац по 15. новембер 2023. року.
Тота явна поволанка облапя стимулациї за осиґуранє землєдїлских културох, заградкарских културох, овоцарских културох, виновей лози и хмелю, розсаднїкох, як и осиґуранє животиньох.
Максимални виноси стимулацийох по файти: за осиґуранє землєдїлских културох 100.000 динари, за осиґуранє заградкарских културох 500.000, за осиґуранє овоцарских културох, виновей лози и хмелю 1.000.000, за осиґуранє розсаднїкох 500.000 динари, за осиґуранє животиньох 2.000.000 динари. Найвисши вкупни винос хтори хаснователь стимулациї може витвориц у єдним календарским року 2.500.000.
Шицки заинтересовани польoпривредни продукователє можу поднєсц прияви на порталу ePodsticaji.