НАШО МЕСТА – Централна шветочносц означованя Националного швета Руснацох у Републики Сербиї того року будзе отримана у Новим Орахове на соботу, 17. януара. З пригоднима програмами Националне швето будзе означене и по подручних канцеларийох Националного совиту Руснацох.
На пияток, 16. януара швето будзе означене у Шидзе на 18 годзин и у Доме култури Руски Керестур на 19:30 годзин.
На соботу, 17. януара локална преслава Националного швета Руснацох будзе у Дюрдьове на 12 годзин, у Господїнцох на 13:30 г и у Бикичу на 17 годзин.
На нєдзелю, 18. януара пригодна програма будзе у Бачинцох на 17 годзин и у Кули на 18 годзин.
Штварток, 22. януара швето будзе означене у Суботици на 18 г и у Коцуре на 19 годзин.
На соботу, 24. януара зоз пригодну програму швето означа Вербащанє.
Централна програма будзе отримана на соботу, 17. януара у Новим Орахове, а шветочносц почнє зоз Архиєрейну Службу Божу у Церкви Христа Спасителя на 17 годзин. У Доме култури на 18:30 буду поставени етно-столи Активу женох КУД Жатва з Коцура, на 19:15 почнє промоция кнїжки Вично тирва 13. май о прешлосци рускей заєднїци у Новим Орахове, а од 20 годзин почнє Шветочна академия.
Локална преслава Националного швета Руснацох у Новим Садзе уж отримана штварток, 15. януара у Руским културним центре.