РУСКИ КЕРЕСТУР – Централна преслава означованя 17. януара Националного швета Руснацох будзе 21. януара у Дюрдьове, а зоз Служби Националного совиту (НС) сцигла иноформация и о датумох локалних преславох по наших местох, однoсно подручних канцеларийох НС.
Нєшка, пияток, 19. януара швето означа Руснаци у Кули на 15 годзин, на 18 годзин у Руским Керестуре, Бачинцох и Бикичу док у Новим Орахове на 19 годзин.
На нєдзелю, 28. януара Националне швето будзе означене у Вербаше на 18 годзин.
На дзень швета 17. януара, пригодни програми отримани у Коцуре и Шуду, Новим Садзе и Суботици.
Вчера, штварток, 18. януара швето означене у Сримскей Митровици у Ґалериї Лази Лазаревича.