Русин и Искра нєришено у перших стретнуцох

автор Д. Барна
61 Опатрене

РУСКИ КЕРЕСТУР/ТЕМЕРИН – Фодбалски клуби Русин зоз Руского Керестура и Искра зоз Коцура, соботу 1. фебруара и внєдзелю 2. фебруара одбавели перши пририхтуюци стретнуца пред початкoм ярнєй часци першенства.

ФК „Искра” свойо стретнуце одбавела всоботу 1. фебруара у Темерину процив екипи ФК „Слоґа” и зазначела нєришени резултат, хтори на концу глашел 1:1. Ґол за Искру дал Давид Гарди.

За екипу Искри на тим стретнуцу бавели: Филип Хромиш, Дамян Ґубаш, Милан Ефендич, Павле Човс, Давид Гарди, Димитриє Ґрубачич, Марко Грнячки, Лазар Милованович, Марко Секулич, Душан Бокан и Никола Адамович. До бависка ище вошли: Вид Неделькович, Давид Неделькович, Михайло Буила, Лука Дорокхази и Шошкич.

На тим стретнуцу тренер Искри Мирослав Кнежевич нє могол раховац на: Милорада Ваяґича, Зорана Сердара, Марияна Малацка и Андрея Малацка.

ФК „Русин” свойо стретнуце одбавел внєдзелю 2. фебруара у Руским Керестуре на Ярашу процив екипи ФК „Полет” зоз Сивцу и зазначел тиж нєришени резултат хтори на концу стретнуца глашел 1:1. Ґол за екипу Русина дал Деян Павлович.

За екипу Русина на тим стретнуцу бавели: Александар Драґутинович, Стефан Тома, Боян Надь, Виктор Надь, Желько Шомодї, Деян Павлович, Микола Папуґа, Оґнєн Маркович, Деян Ючик, Деян Чернок и Петар Аґбаба. До бависка ище вошли: Дарко Гарди, Владимир Кочиш, Давид Надь, Деян Будински, Теодор Штранґар, Иван Планчак, Борис Орос и Михайло Надь.

Шлїдуюце пририхтуюце стретнуце екипа Русина будзе бавиц на нєдзелю 9. фебруара у Кули зоз екипу ФК „Кула”, док екипа Искри будзе бавиц на соботу 8. фебруара у Коцуре зоз екипу ФК „Будучносц” зоз Ґложану.

ПОВЯЗАНИ ТЕКСТИ