РУСКИ КЕРЕСТУР – Пионире Фодбалского клубу „Русин”, стреду 29. марца одбавели 3. коло у своєй Пионирскей лиґи „Центер”, Подручней фодбалскей лиґи Зомбор, процив екипи БСК зоз Бачкого Брестовцу, хторих звладали з резултатом 8:0 (3:0).
Пионире, односно дзеци народзени од 2007. по 2010. рок, ше на домашнїм терену указали вельо лєпше як госци, а побиди окреме допринєсли Теодор Штранґар хтори дал штири ґоли, Иван Планчак зоз двома ґолами, як и Йован Плавшич и Владимир Кочиш хтори дали по єден ґол.
За Русин наступели и – Алекса Сопка, Иван Медєши, Даниєл Надь, Лука Фа, Давид Джуня, Андрей Чизмар, Матей Макаї, Марко Колошняї, Хана Будински и Кристиян Малацко. Тренер Деян Йолич.
У спомнутей пионирскей лиґи, змагаю ше вкупно 9 екипи цо значи же пионирох чекаю ище 8 фодбалски стретнуца, а шлїдуюце будзе процив екипи з Липару, хторе було преложене пре жимну и нєпогодну хвилю.