НОВИ САД – Кнїжка „Rusinski tradicionalni kuvar – po receptima moje majke”, котру обявело НВУ „Руске слово”, штварток 14. децембра, представена на традицийних стретнуцох „Прадки у Матки”, котри орґанизує Младеж РКЦ, у Руским културним центру (Йована Суботича 8) у Новим Садзе.
Кнїжку „Руска кухарка” по сербски представел директор НВУ „Руске слово” Борис Варґа, цала промоция отримана у форми розгварки зоз авторками кнїжки рецептох Блажену Хома Цветкович и Любицу Няради, як и зоз авторку фотоґрафийох Ивану Медєши.
Источашнє, Актив женох КУД „Жатва” порихтали єдла рускей традицйней кухнї. После промоциї и рихтаня єдла, шлїдзел забавни вечар.