ДЮРДЬОВ – У 11. колу Другей Новосадскей лиґи, внєдзелю, 26. октобра, фодбалере ФК „Бачка 1923” зоз Дюрдьова бавели на домашнїм терену зоз ФК „Ченей”. Стретнуце закончене зоз резултатом 6:0.
За дюрдьовски тим Милан Роґич дал аж штири ґоли, у 15, 17, 57. и 87. минути бависка, Неманя Надьфей у 49. минути и Душан Топчийов у 64. минути.
На таблїчки Другей новосадскей лиґи, после того змаганя ФК „Бачка 1923” зоз Дюрдьова на 5. месце, з 19 бодaми и зазначує 6. побиду у тей часци першенства. Попри тим ма и штири страцени стретнуца и єдно зоз нєришеним резултатом.
Шлїдуюце, 12. коло дюрдьовска Бачка шлєбодна, буду бавиц аж у 13. колу, 9. новембра, на 13:30 годзин на домашнїм терену кед госц будзе, за тераз, осмопласовани ФК „Динамо” зоз Будисави.
