КУЛА – На базену у рамикох Спортского центру у Кули у цеку роботи на пририхтованю базена за сезону купаня.
Роботи обишол предсидатель општини Кула Дамян Милянич, хтори гварел же базен, по планох, будзе порихтани за купачох штредком юния. Тиж визначел же ше шлїдуюцого року руши зоз инвестицию до проєкту завартого базена.
За базени, як за тот у Кули, так и за базен у Червинки компетентни Спортски центар општини Кула, а директор тей институциї Владан Рачич, наглашел же тота сезона цо приходзи будзе ище лєпша и рижнороднєйша по шицких аспектох.
У Кули почало зредзованє базену, випражнює ше вельки базен, стреднї и мали базени и заплановане же би базен почал робиц 15. юния.
Будзе орґанизована школа плїваня, а єст и простор за одбойку на писку, так же хто придзе на базен годзен и рекреативно препровадзиц час.
У Руским Керестуре роботи коло чисценя базену заплановани за штредок юния.