КУЛА – Школяре котри уча руски язик зоз елементами националенй култури як виборни предмет у двох основних школох у Кули, тиж так означели Дзень мацеринского язика на годзинох зоз свою наставнїцу Тамару Хома.
Годзини руского язика з тей нагоди були окреме обдумани, и пошвецени мацеринскому язику, бешедовали о тим прецо важне чувац и бешедовац свой мацерински язик, та о богатстве и предносцох вецейязичносци.
Як заключенє тей годзини, виробели пано на тоту тему котри будзе прикрашовац їх учальню. У Кули на наставу руского язика єст приявено 15 школярох, и векшина присуствовала тим годзином.