ОПШТИНА ШИД – На швето Обрезаня Исуса Христа и Святого Василия Велького, або на Нови рок по юлиянским календаре, вчера ( 14. януара) у грекокатолїцких церковох у општини Шид служени Служби Божо и виглашени статистични податки зоз матрикулох.
У Шидзе, по словох пароха о. Михайла Режака, прешлoгo року у парохиї Преображеня Господнього нє було винчаних, пейц особи покресцени, а дзевец поховани.
У парохиї св. апостола и евангелисти Луки у Бачинцох, як гвари парох о. Дарко Рац, влонї нє було винчаня, було єдно кресценє, а три особи поховани.
У прохиї св. архангела Михаила у Беркасове, по словох пароха о. Владимира Еделински Миколки, нє було винчаних анї кресцених, а три особи поховани.
У филияли Успеня Пресвятей Богородици у Бикичу влонї єдна малженска пара повинчана, було и єдно кресценє, а штири особи поховани.