ВЕРБАС – У Зомборе нєдавно отримани 12. Куп нацийох у боксу за жени, котри ше находзи у А календару Шветовей боксерскей федерациї. Змагали ше 108 змагательки зоз 14 жемох ширцом швета, а медзи нїма и два боксерки зоз вербаского Боксерского клубу „Чарнок”.
Обидва замагательки з Вербасу у своїх конкуренцийох освоєли стриберни медалї – Сандра Брил у катеґориї до 50 килограми, а Теодора Савович у катеґориї до 63,5 килограми.
По словох тренера вербаского Боксерксого клубу „Чарнок” Желька Жмукича, то вельки успих за їх клуб, як и за општину Вербас. Напарти тренинґи и вершинска робота у клубу дали резултати и потвердзели же Вербас город боксу, визначел Жмукич.
Вербас ше уж пририхтує за седми юниорски Куп нацийох у боксу у хлопскей и женскей конкуренциї, котри будзе отримани у маю у спомнутим городу.