ОПШТИНА ШИД – Вечар пред шветом святого Миколая, вчера 18. децембра святи Миколай з дарунками нащивел грекокатолїцки церкви у општини Шид.
Святитель перше пришол до Церкви Преображеня Господнього у Шидзе и подзелєл добрим дзецом 40 пакецики.
Драга потим Миколая водзела до Церкви собору святого архангела Михаила у Беркасове дзе подзелєл дзецом 13 пакецики.
На концу вечара, Миколай ше застановел у Церкви Успения Пресвятей Богородици у Бикичу дзе школски и други дзеци рецитовали Миколайови, а вон им подзелєл 32 пакецики.
Дзеци Миколайови рецитовали и шпивали и було торжествено у церквох вечар пред шветом.
