ДЮРДЬОВ – На Други дзень Крачуна по юлиянским календаре, вчера 8. януара, у просторийох Културно-уметнїцкого дружтва „Тарас Шевченко” у Дюрдьове отримани традицийни Крачунски концерт „Крачун у Матки”.
На Концерту коляди шпивали и винчовали дзеци зоз дюрдьовскей Предшколскей установи „Дюрдєвак”, як и члени вецей секцийох домашнього Дружтва.


Крачунски концерт орґанизовал Управни одбор КУД „Тарас Шевченко”. И того року учашнїки на концерту достали пакецики, за хтори ше остарали спонзоре Дружтва, а направели их старши членїци. Програму пририхтали уметнїцки руководителє з Дружтва Валентина Салаґ, Ксения Вереш и Мария Хромиш и виховательки Марина Сабадош и Весна Єлич.