БЕОҐРАД – З нагоди трецей рочнїци русийскей инвазиї на Україну нєшка 24. фебруара будзе мемориялни митинґ на Площи републики у Беоґрадзе.
Мемориялни митинґ, як вираз солидарносци зоз шлєбодолюбивим народом України хтори ше геройски одупера русийскей аґресиї, почнє на 15 годзин, а орґанизує го Амбасада України у Републики Сербиї вєдно зоз українску заєднїцу у Сербиї.
Плановани и бешеди амбасадора України, представнїкох дипломатиї и українскей заєднїци.
У просторийох Европскей хижи (Београд, Змай Йовова 8) на 16 годзин будзе отворена вистава фотоґрафийох „Розгляднїци зоз України” и проєкция українского документарного филма „Intercepted“. Источашнє ше и представи виставу малюнкох дзецох зоз України. Вистава будзе отворена по 28. фебруар.
На вовторок 25. фебруара на 15 годзин у Европскей хижи почнє округли стол на тему „Русийска пропаґанда у сербским медийним простору” на хторим буду участвовац и сербски фаховци.