ДЮРДЬОВ – На соботу, 15. новембра у Грекокатолїцкей парохиї Рождества Пресвятей Богородици у Дюрдьове будзе отримана роботня на котрей буду представени два проєкти.
Роботню орґанизує Каритас Епархиї св. Миколая у сотруднїцтве зоз дюрдьовску парохию и церковним одбором дюрдьовскей церкви. Водзиц ю будзе координатор Каритаса Епархиї св. Миколая, Елемир Джуджар.
Запровадзени проєкти буду на тему зменшованя ризику од елементарних нєпогодох и защити животного штредку, алє и о звекшованю анґажованя младих и волонтерох, одпорносц дзецох и здруженьох, особох зоз инвалидитетом як и їх умрежоване зоз институциями. На роботнї будзе и професийна огньогасна єдинка, як и Добродзечне огньогасне дружтво, хтори виведу вецей вежби значни за ратованє у нєпогодох.
Орґанизаторе поволую шицких заинтеросованих най приду на роботню котра почнє на 10 годзин у прохиялним доме у дюрдьовскей церкви.
У рамикох роботнї и проєкта, а после презентациї у парохиї, на грекокатолїцким теметованє будзе орґанизована роботна акция – ушорйованє теметова. Хто жада може ше приключиц и помогнуц.