НОВИ САД – У найновшим 37. чишлє новинох Руске слово на Тижньовнїку мож пречитац о схадзки Управно одбору НВУ „Руске слово на хторей вибрана директорка тей установи Ясмина Дюранїн.
На бокох Нашо места, медзи иншим, мож пречитац о 4. Гуманитарним базаре у Руским Керестуре, планованих роботох у општини Жабель як и о донациї општини Вербас огньогасцом у Делиблатскей писковини. На бокох Економия тексти о ламачки кукурици у Коцуре и о сезонских роботнїкох у Сриме. На бокох Култури и просвити звит о початку воспитно-образовней роботи у предшколских установох по наших местох, а у рубрики Людзе, роки, живот мож пречитац о стретнуцу Афичовей фамелиї у Руским Керестуре.
Боки Дружтво понукаю дзешате предлуженє фельтону о кнїжки „Як гуторя дїдове, швет бул давно иншаки”, хтору написал о. Владимир Еделински Миколка, а Духовни живот пише о преслави 190 рокох од снованя парохиї у Петровцох и о лєтнїм паломнїцтве до Словацкей.
На Спорту зазначени резултати фодбалских клубох зоз наших местох, а на концу новинох порядна рубрика Хладок и горуци тепши.
У тим чишлє вишли и два додатки: Мозаїк и Руснаци у швеце.