У новим „Руским слове”

автор Ол. Папуґа
319 Опатрене

НОВИ САД – У штерацец першим чишлє новинох „Руске слово” на бокох рубрики Тижньовнїк пише о осемнастей схадзки Националного совиту Руснацох котра 9. октобра отримана у Руским Керестуре, дзе принєшена одлука з хтору вименєни Финансийни план и прилапени и правилнїк о подручних канцеларийох НС. Нови Сад бул домашнї дзевятей Медзинародней конференциї „Интеркултурализем у образованю”.

На бокох Нашо места пише о Дзецинским тиджню хторе у наших местох одначене з мотом „Вельке шерцо дзецох Сербиї”, у периодзе од 1. по 8. октобер. У Новим Орахове гражданє нєзадовольни же им уводза видаток за желєни канти за шмеце. Новинаре були и на Дньох бундави у Кули.

На Духовним боку пише же у Покраїнскей влади у Новим Садзе, уручни  контракти представнїком вирских заєднїцох на териториї АП Войводини, наменєни за финансованє обнови вирских обєктох хтори очкодовани зоз тогорочнима елементарнима нєпогодами.

На бокох култури и просвити пише о промоциї кнїжки „Як гуторя дїдове – швет бул давно иншаки” автора о. Владимира Еделинския Миколки и о Семинаре фахового усовершованя за наставнїкох виборней мацеринского язика зоз елементами националней култури хтори отримани у Кисачу.

На бокох економиї пише же Вивершни директор за саямску дїялносц Новосадского сайма Борис Надлукач вибрани за предсидателя орґанизациї ЦЕФА. Пише и о цени кукурици, сої и слунечнїку хтори наполи нїзши як прешлого року. О ламачки кулурици у Шидзе бешедує Златко Манько.

Як додатки у тим чишлє вишли Мозаїк и Руснаци и швет, а ту и стална рубрика Горуци тепши.

ПОВЯЗАНИ ТЕКСТИ