РУСКИ КЕРЕСТУР – Традицийни Крачунски вашар отримани вчера, 20. децембра у Основней и штреднєй школи з домом школярох „Петро Кузмяк” и бул барз нащивени.
На вашаре ше предавало рижни крачунски прикраски, колачи, капущанїки, винчованки, котри школяре шицких оддзелєньох правели сами, зоз помоцу своїх наставнїкох, або родичох. Тиж пририхтали и цепли чай лєбо кафу як и палачинки з чим ше такой могло засмачиц.



Вашар як и кажди рок бул барз нащивени бо школярох пришли потримац їх родичи и родзина як и други заинтересовани, понеже шицок заробок будзе похасновани за гумани потреби у самей школи, а єдна часц и за даєдно гуманитарне здруженє.
Понеже пре диждж вашар нє мог буц отримани на опрез Школи, тезґи були змесцени на уским уходним конку та була превелька гужва, цо вашару єдини нєдостаток.

