РУСКИ КЕРЕСТУР – у Службох Божих на 8 и 19 годзин у церкви и на 10 годзин у Водици, у парохиї св. отца Миколая означене швето Воздвиженє Чесного Хреста.
У Водици Службу служели о. Владимир Медєши, о. Владислав Варґа, о. Михайло Шанта и о. Ярослав Варґа котри и споведал. О Хресту Господнїм наказовал о. Михайло Шанта.
До Водици пришли и старши особи хтори ходза на штвартково стретнуца до Каритасу, а до Водици их привезли волонтере на штирох автох. После Служби модлєни и молебен до Пресвятей Дїви Мариї.
З оглядом же штварток, старши после Служби остали у Водици на штвартковим стретнуцу.