СРИМСКА МИТРОВИЦА – Парохию Вознесеня Господнього, внєдзелю 17. децембра нащивел св. Миколай. Службу Божу служел о. Иґор Вовк, хтори у казанї бешедовал о живоце св. Миколая, його добродїйствох и любови.
После Служби подзелєни 62 пакецики присутним дзецом, о. Вовк гварел же було вецей дзеци уписани, алє нє пришли до церкви, бо ше похорели. Шицко тото указує же Грекокатолїцка парохия ма подмладок и же парох о. Иґор Вовк збера младих и притулює их ґу церкви.