КУЛА – Вчера вечар пред красним числом публики у продукциї РКУД „Др Гавриїл Костельник Кула” виведзена дуо-драма автора Дюри Папгаргая „Вистата конїца”.
Режию представи подписує Янко Лендєр, котри и бави у представи, вєдно зоз Амалию Ковач. Суфлер була Нада Лендєр, котра источашнє обдумала и сценоґрафию вєдно зоз Ярославом Ковачом, а шветло и музику Страхиня Щекич и Мирослав Стричко.
Публика у Културним центру щиро прияла представу, уживала у ґлумецких бравурох Ковачовей и Лендєра и мож повесц же ше им наисце удало дотхнуц шицки пасма Папгарайовей представи, котру зме давного 1979. року могли провадзиц у виводзеню доаєнох нашей театралней дїялносци – Ани Рац и Миколу Скубана.
