НОВИ САД – Судия Апелацийного суду у Новим Садзе Дюра Тамаш упокоєл ше 6. фебруара у Новим Садзе.
Дюра Тамаш народзени 20. юлия 1959. року у Коцуре, општина Вербас. Основну школу закончел у Коцуре, а ґимназую у Вербаше. Студирал на правним факултету у Новим Садзе и потим робел як судия Општинского суду у Новим Садзе, од 2005. у Окружним суду, и од 2010. року у Апелацийним суду у Новим Садзе аж до шмерци, дзе го, як судию, колеґове ценєли и почитовали.
Бул главни и одвичательни редактор Билтену судскей пракси Апелацийного суду у Новим Садзе од першого числа 2010. року, a окончовал и вецей функциї у Суду.
У младосци бул фодбалер коцурскей „Искри” хтору зоз частима своїма приходзенями на єй змаганя, а зоз своїм громким гласом, часто потримовал и водзел ґу велїм побидом! Бул особа, хтора, можебуц, була менєй експонована, алє мал глїбоку свидомосц и любов ґу рускей култури, шпиванки и спорту.
Судия Дюра Тамаш поховани 9. фебруара, на Городским теметове у Новим Садзе.