ШИД – Як и обецали у Месней заєднїци Шид, по конєц априла ушорена часц потока Шидини.
Як нам гварел поверенїк општини Шид за Месну заєднїцу Шид Ґоран Ґраховац, очисцена часц потока од Босутскей улїци и од моста у Чмеликовей улїци по Масарикову улїцу у длужини коло 520 метери.
Ґраховац додал и же поток од мутлянки, коровча и одруткох будзе очисцени и од початку його цеку у городзе, односно од конца Босутскей улїци.
