ВЕРБАС – У просторийох Културно-просвитного дружтва Карпати у Вербаше на пияток, 14. фебруара, будзе отримане друженє под назву Рок вечар Карпати.
З тей нагоди буду грац даскельо вербаски музични ґрупи – Карпати рок, ДНД, Дионис, як и госцуюци рок состав зоз Нового Орахова.
Два бенди Карпати рок зоз Вербасу и рок состав з Нового Орахова мож повесц же су рокенрол ветеранє хтори будовали фундаменти рок сценох у своїх местох.
У другей часци програми наступя нашлїднїки тих рокенрол ґенерацийох, бенд ДНД у хторим аж штири стредньошколки и дакус искуснєйши бенд Дионис.
На репертоару буду хити за любительох рокенролу шицких возростох.
Уход шлєбодни, а початок друженя заказани на 18 годзин.