ВЕРБАС – И у Грекокатолїцкей церкви святого Владимира у Новим Вербаше внєдзелю, 20. априла, преславене вельке християнске швето.
У нововербаскей грекокатолїцкей парохиї Вельконоцну Службу Божу зоз пошвецаньом кошаркох з пасхалним єдзеньом служел парох нововербаски о. Данил Задрепко.
На служби присуствовали числени вирни, а швето того дня почало зоз Пасхалну утриню. У тей парохиї благословене красне число вельконоцних кошарочкох.
Пред тим вербаски парохиянє у Страсним тижню означели и Вельки штварток, як и Вельки пияток зоз хованьом Исуса Христа. На Вельку соботу у молитви и цихосци при його гробе роздумовали о Исусових мукох, церпеню и шмерци, о самей значносци того велького християнского швета.
