РУСКИ КЕРЕСТУР – Вирни зоз поздравом „Христос Воскрес!” внєдзалю 9. априла перше на Службу Божу на 8 годзин, а потим и на 10 годзин святочно пришли до храму на Архиєрейску Службу Божу.
Службу служел Кир Георгий Джуджар, парох керестурски о. Владислав Варґа и кересутрски капеланє о. Владимир Медєши и о. Ярослав Варґа.
Вирни зоз кошарками и традицийним пасхалним єдзеньом вишли до порти же би их владика и свящнїкове пошвецели. Радосц на тварох наймладших и вирних пошведочела же Воскресенє за вирних наисце радосна вистка.
Нєшка, на Шветли пондзелок, Служби Божо почню на 9 годзин, 11:30 и 19 годзин зоз мированьом.
На Шветли вовоторк, Служби ше будзе служиц по истим розпорядку як и нєшка, з тим же на 16 годзин ше будзе Служба Божа зоз мированьом и у Манастире малих шестрох на Циґлашоре.
