Вельконоцни базар у Вербаше

автор Ол. Русковски
285 Опатрене

ВЕРБАС – Тогорочни дводньови Вельконоцни базар у Вербаше отримани 11. и 12. априла на Площи Николи Пашича. Под час тирваня тей манифестациї, шицки нащивителє могли купиц рижни декоративни прикраски з вельконоцнима мотивами, лакотки, паски, як и сувенири, квеце, домашнї мед и палєнки, и инше.

Богате понукнуце котре викладаче порихтали за нащивительох облапяло цифровани писанки прикрашени з рижнима технїками, вельконоцни декорациї, заячки, кошарочки. Викладаче квалитетного меду, як и рижни лакотки и колачи обрадовали шицких любительох сладкого. На Вельконоцним базару було и квеца за прикрашованє заградкох, алє и обисцох за наиходзаце швето.

И того року манифестация Вельконоцни базар промововала традицию, обичаї коло швета, з цильом очуваня и отримованя традициї и обичайох на тих просторох.

Вельконоцни базар орґанизовала Туристична орґанизовала општини Вербас, а празни столїки викладательох и полни мещки нащивительох котри преходзели по централней городскей Площи найлєпше шведочели о успишносци тогорочней манифестациї.

ПОВЯЗАНИ ТЕКСТИ