Виберанково лїстини заключени, кампаня лєм почина

автор А. Паланчанин
130 Опатрене

БЕОҐРАД – Термин за придаванє виберанкових лїстинох за виберанки хтори розписани за 2. юний, вицекол внєдзелю, 12. мая, на пол ноци. Виберанки за одборнїкох городских и општинских скупштинох буду окончени у Беоґрадзе и 14 городох, як и у 74 єдинкох локалней самуправи у Републики Сербиї

Спрам Закону о локалних виберанкох, виберанково лїстини ше нєпоштредно придава виберанковим комисийом найпознєйше 20 днї пред гласаньом. Виберанкова комисия утвердзи вкупну виберанкову лїстину найпознєйше 15 днї пред дньом гласаня, а у тим термину будзе заключени и гласацки список. Спрам прилапених пременкох Закона о єдинственим виберацким списку, хтори усвоєла Скупштина Сербиї, гласаче хтори пременєли адресу биваня после 3. юлия 2023. року, нє годни гласац на новей адреси на предстояцих виберанкох. Як утвердзене зоз термином за отримованє виберанкох, 17. май термин кед би требали буц утвердзени и обявени виберацки лїстки, а теди би требали буц заключени и виберацки списки.

Нови Сад –На виберанкох за Скупштину города Нови Сад, преглашени тринац лїстини: 1. „Александар Вучич – Нови Сад на ютре”, 2. „Союз войводянских Мадярох – др Балинт Пастор”, 3. „Русийска странка – Серби и Руси браца занавше”, 4. „Правда – Адавиера – Ивана Вуясин”, 5. „Цалком друга приповедка – Город гражданом”, 6. „За прави ствари потримай Ґари”, 7. „Нови Сад главни город Войводини – Рух автономия – Александар Оджич”, 8. „Др Саво Манойлович – И я Нови Сад – Руш – Премень”, 9. „Любим Нови Сад – Сербски рух Двери Ивана Стоянович – Народна странка Александар Максимович – Рух жиєм за Сербию др Йован Стойкович, 10. „Словацка демократска лиґа – Желимира Привизер, 11. „Здружени за шлєбодни Нови Сад – Сербска коалиция Нада (Нови ДСС, ПОКС) – Странка шлєбоди и правди, Народни рух Сербиї, Демократска странка, Сербия центер – Шерцо, Рух шлєбодних гражданох, Желєно-лїви фронт еколоґийне повстанє – Чута, Рух за рух, Граждански рух Браво, Лиґа социялдемократох Войводини – Войводянє – прим. Др Владимир Врсайков, Борислав Новакович, 12. „Героє – Миша Бачулов” и 13. „Чале тото за тебе – Петар Дюрич”.

Суботица –Спрам доступних податкох Городска виберанкова комисия Суботици преглашела штири лїстини за предстояци виберанки. Першу лїстину придали представнїки лїстини 1. „Александар Вучич – Суботица на ютре”, потим 2. „Союз войводянских Мадярох – др Балинт Пастор”, треца лїстина 3. „За праведну Суботицу – Демократски союз Горватох у Войводини – Странка правди и помиреня – Томислав Жиґманов, штварта лїстина 4. „Суботица процив насилства – Виберам Суботицу – Нела Тонкович”.

Сримска Митровица –Општинска виберанкова комисия Сримскей Митровици преглашела шейсц лїстини: 1. „Александар Вучич – Сримска Митровица на ютре”, 2. „Город за нас шицких – Владимир Петкович”, 3. „Сримска Митровица процив насилства – Дьордьо Дьордїч – Татяна Любишич – Даниєл Четоєвич”, 4. „Европска Митровица”, 5. „Др Саво Манойлович – И я Сримска Митровица – Руш-Премень – Млада Митровица” и 6. „Нада за Митровицу”.

Жабель – Општинска виберанкова комисия Скупштини општини Жабель преглашела три лїстини: 1. „Александар Вучич – Жабель на ютре”, 2. „Зєдинєна опозиция Жаблю – Виберам борбу” и 3. „Ґрупа гражданох Жабель процив насилства”.

Шид – Општинска виберанкова комисия у Шидзе преглашела два лїстини за локални виберанки. Перше преглашена лїстина 1. „Александар Вучич – Шид на ютре” и 2. „Зєдинєна опозиция-гласай за пременки“.

Вербас – Локални виберанки 2. юния буду запровадзени и у општини Вербас. У тих општинох преглашени 1. Коалиция „Александра Вучич – Вербас на ютре”, 2. Виберанкова лїстина „Вербас против насилства”, 3. „Русийска странка – Серби и Руси браца занавше и Виберанкова лїстина Ґрупа гражданох „Ошлєбодзме Вербас нєшка”.

ПОВЯЗАНИ ТЕКСТИ