КОЦУР – Фодбалски клуб „Искра” одбавел внєдзелю, 23. новембра, у Коцуре остатнє петнасте першенствене стретнуце ВФЛ Сивер у тей полусезони процив екипи ФК „Будучносц” зоз Младенова и зазначел важну побиду зоз резултатом 2:0.
Ґоли за екипу Искри дали Милорад Ваяґич и Марко Неделькович.
За екипу Искри бавели: Филип Хромиш, Ненад Петкович, Лазар Милованович, Марко Неделькович, Дамян Ґубаш, Душан Бокан, Милорад Ваяґич, Оґнєн Салонтаи, Давид Гарди, Боривой Цветкович и Алекса Дорокхази.
До бависка вошли Зоран Сердар и Павле Човс, а на лавочки ище були Димитриє Ґрубачич, Мариян Малацко и Саша Загорянски.
Зоз одбавеним 15. колом, закончела ше и єшєньска часц першенства 2025/26, дзе екипа Искри зоз побиду у Коцуре полусезону закончела зоз штирома побидами, на штирох стретнуцох одбавела нєришено, док страцела на седем стретнуцох. Освоєли 16 боди и находза ше на тринастим месце на таблїчки ВФЛ Сивер.
