НОВИ САД – Друга кнїжка „Глєдам дацо окремне” шахисти Владимира Лазора нєдавно вишла з друку. Видала ю видавательна хижа Сайнос зоз Нового Саду. По форми то шаховски учебнїк, а по змисту зборнїк авторових искуствох за шаховску таблу у цеку шейдзешат роки.
З початку, у дзешец поглавйох, автор водзи читача през историю шаховских епохох и указує интереснатни идеї у шицких фазох шаховских партийох.
У глєданю того окремного, автор ше намага на интересантни способ приблїжиц читачом шицко цо го през длугу кариєру прицагло, инспировало и порушовало же би спознал шицки тайни бавеня шаху.
Окремну увагу пошвецел сучасному приступу задатком у отвераню, ануково-класичней школи стратеґиї, схопносци шаховского нападу, як и феномену гришки у шаху, окреме у закончуюцей фази.
Шицко спомнуте, насампредз тото цо спомнуте у кнїжки документоване у вецей партийох хтори дакеди одбавени.
Ниа даскелї з нїх.