ШИД – На схадзки Скупштини општини (СО) Шид, хтора отримана вчера, 29.новембра, одборнїки вигласали Одлуку о вименки Одлуки о буджету општини за 2024. рок з хтору приходи утвердзени на 1.735.105.923 динари, до чечуцей резерви опредзелєни 9,8 милиони динари, а до стаємней резерви 200.000 динари, так же вкупно розпоредзени средства у виносу од 1.725.105.923 динари.
СО дала согласносц на вименки Статута Ґалериї малюнкох Сави Шумановича, розришела директора Културно-образовного центра Срдяна Малешевича, як гварене пре вицек манадата, а потим за о. д. директора спомнутей установи култури до єдного рока меновала Ивану Пезич, хтора актуална секретарка ОО Червеного крижу у Шидзе.
Одборнїки тиж на схадзки принєсли и даскельо одлуки з обласци урбанизма хтори у компетентносци локалней самоуправи.
