ҐОСПОДЇНЦИ – На швето Богоявлениє Господнє, вчера 19. януара, у Церкви святого архангела Михаїла була Литурґия Богоявления Господнього и чинодїйство пошвецаня Богоявленскей води, хтору служел домашнї парох о. Михаил Холошняй.
На Служби Божей ище єден парохиян, член нового Церковного одбору, пришагал же на себе превежнє вельку одвичательносц у наиходзацих рокох и обовязал ше на вирносц ґосподїнскому храму.
После Служби, у парохиялним доме отримана рочна и сновательна схадзка Церковного одбору тей парохиї. На схадзки вигласане же нови предсидатель Церковного одбору будзе Михаел Харасенчук, а за касира вибрани Боян Барат.
