РУСКИ КЕРЕСТУР – Тей нєдзелї вишло нове число християнского часопису Дзвони за юний хтори видава Парохия св. о. Миколая Руски Керестур.
Юний пошвецени Пресвятому шерцу Христовому, та о тей теми преглїбена тема и у уводней часци.
Обробена и тема хороти з духовного аспекту, а ту и запис о єдиним святилїщу Божого милосердия у Горватскей.
Як преславени Завитни дзень у Водици и хтори три ювилеї означени того дня, мож пречитац у тим виданю, а ту и боки з церковней историї.
О Водици и текст зоз 1995. року, хтори теди написал о. Ярослав Вовк, а ту и предлуженє тексту о Малей семинариї у Риме.
Младим пошвецени вецей боки, понеже участвовали на вецей духовних стретнуцох, паломнїцтвох и рижних активносцох.
Од святительох представена св. Мала Терезка, о хторей було преподаванє у Руским Керестуре и св. Джана Берети.
Зоз записами и фото вистками и у тим чишлє попровадзени подїї по наших парохийох и у швеце.