Вистава фотоґрафийох о войни у України

автор В. Вуячич
1.3k Опатрене

НОВИ САД – Нешка, собота 4. марца у просторийох Маладежского центру ОПЕНС у Креативним дистрикту (Булевар деспота Стефана 5, Лиман III) на 18 годзин будзе отворена вистава фотоґрафийох „Рок нєзламаносци” (“Godina nesalomivosti”).

Виставу фотоґрафийох о страданю українского народу у войни, хтора тирва уж цали рок орґанизує амбасада України и Делеґация ЕУ у Сербиї. Наявене же ю отворя амбасадор України Володимир Толкач и шеф политичней секциї Делеґациї ЕУ у Сербиї Дирк Лоренц.

Вистава „Рок нєзламаносци” будзе отворена до 10. марца.

Зоз виставу 24. фебруара у Клубу „Коска” на Дорчол плацу у Беоґрадзе, була означена рочнїца початку русийскей инвазиї на Україну.

ПОВЯЗАНИ ТЕКСТИ