Вистава уметнїцких роботох Амалиї Ковач

автор Ол. Живкович
436 Опатрене

КУЛА – У рамикох вечара здогадованая на Тараса Швеченка, всоботу 25. марца у Святочней сали Школи основного музичного образованя (ШОМО) орґанизована треца самостойна вистава уметнїцких роботох Амалиї Ковач.

На отвераню вистави Филип Пронек пречитал слова рецензиї, у котрей секретар Културно-просвитней заєднїци општини Кула Сава Прерадович визначел же єй сликарски опус котри попри абстракциї твори и пейзажи и мертву природу у технїки сухого пастелу на паперу, констатни и кореспондирани зоз другима активносцами у култури.

После отвераня вистави отримани и музично поетски вечар, у котрим тиж участвовала Ковачова. Вона по сербски читала писню Тараса Шевченка „Муза”, праве прето же и вона ма свойо музи котри ю водза и унапрямую у єй роботи.

У програми участвовали и школяре основних школох зоз Кули котри ходза на годзини українского язика зоз елементами националней култури, КУД „Иван Сенюк” зоз Кули и госци зоз України.

ПОВЯЗАНИ ТЕКСТИ