ДЮРДЬОВ – У просторийох Културно-уметнїцкого Дружтва „Тарас Шевченко” всоботу, 22. фебруара, Дюрдьовчанє одпатрели комедию „Полїчки” зоз вецей попреплєтанима темами и порученями.
У предстви „Полїчки”, хторей автор и режисер Сашо Палєнкаш зоз Руского Керестура, бавели Валентина Гарди, Кристина Сопка, Ксения Катрина, Мая Надь и Сашо Палєнкаш.
Премиєра тей представи виведзена 7. децембра 2024. року у Шидзе, и тераз пред дюрдьовску публику було єй друге виводзенє.
