РУСКИ КЕРЕСТУР – На други и треци дзень Сошествия святого Духа – Русадля, на пондзелок, 9. и вовторок 10. юния у Водици будзе Завитни дзень у Ювилейним року и 165-рочнїца од пошвецаня церкви у Водици.
Нєшка, 9. юния, на други дзень Русадльох, служби у катедрали св. о. Миколая буду на 8 и на 10 годзин.
Пополадняю, на 17 годзин, руши процесия до Водици зоз катедрали св. о. Миколая, у Водици годно приступиц ґу Святей Тайни споведзи.
На 19 годзин службу ше будзе служиц на старославянским, а казательнїк будзе директор Марийового святилища зоз Дорослова о. Арпад Веребелї. По Служби Божей будзе Молебен з обходом коло церкви и кратка духовна програма.
На вовторок, 10. юния у Водици на 10 годзин будзе римокатолїцка служба, предводзиц будзе вєдно з другима священїками, а тиж и наказовац ґенерални викар Суботицкого владичества и директор Марийового святилища „Бунарич”, коло Суботици, о. Желько Шипек.
На 11 годзин Архиєрейска Служба Божа котру будзе предводзиц вєдно з нашим владиком кир Георгийом Джуджаром, митрополит прешовски Йона Максим зоз Словацкей. Потим будзе Молебен и обход коло церкви.
Уж од 10 годзин будзе нагоди за споведз.
У Ювилейним року, єст можлївосц достац подполни одпуст як у Катедрали св. о. Миколая у Руским Керестуре, так и у Водици.