ДЮРДЬОВ/ҐОСПОДЇНЦИ – По пошвецаню води на швето Богоявлениє почало и пошвецанє обисцох вирних, перше у Ґосподїнцох, а потим и у Дюрдьове.
Обисца вирних у Ґосподїнцох и Дюрдьове пошвецал парох о. Михаил Холошняй. З богоявленску воду паноцец пренєсол Божи благослов на животни простор, на фамелийни дом и на самих його членох.
Пошвецанє ше одвивало по одредзеним розпорядку хтори бул виложени на огласней табли опрез церквох у обидвох местох.
Парох о. Холошняй у Ґосподїнцох пошвецел коло седемдзешат, а у Дюрдьове коло двасто пейдзешат обисца. Обряд пошвецаня бул и нагода вирним стретнуц ше зоз своїм парохом и привитац го у обисцу.