СРИМСКА МИТРОВИЦА – У церкви у Парохиї Вознесеня Господнього заменєни шейсц ґеометрийни витражи хтори патра на улїцу.
Як гварел парох сримскомитровицки о. Иґор Вовк, єден час место поламаних витражох стали дески, алє з вельку пожертвовносцу, найдзени спонзор за векшину витражох. Найвекши спонзор була фамелия Ходоба, Ненад и Ґордана, хтори ше барз трудза коло своєй церкви.
У Митровици ше наздаваю же до жими пременя ище два витражи. Окончователь роботох Ателє „Станишич” зоз Зомбора. Тиж ше очекує же ше положи и осем жалузини на турнї.