ЗОМБОР – З нагоди рочнїци ошлєбодзеня городу Зомбору у Другей шветовей войни, атлетичаре клубу „Русин” участвовали на дзециснким улїчним обегованю одкадз принєсли по єдну златну, стриберну и бронзову медалю. З тей нагоди Русин представяли млади атлетичарки возросту 1, 2. и 4. класи основней школи.
Найлєпши резултат посцигла школярка 2. класи основней школи Даниєла Рамач, такой за ню стрибло освоєла Калина Чапко зоз першей класи, док бронза припадла тиж школярки другей класи, Маши Дудаш.
Окрем наградзених атлетичаркох, участвовали и – Ема Гайдук школярка першей класи, и Анастасия Пекич и Кристина Рамач, школярки штвартей класи основней школи. Окрем домашнїх русиновцох, на змаганю участвовали и атлетичаре „Гайдук Маратон тиму” зоз Кули, хтори тиж витворели замерковани резултати, односно аж три златни и по два стриберни и бронзово медалї. А попри медальох, учашнїком хтори виборели даєдно з перших трох местох були обезпечени и пакети сладких продуктох.
Орґанизатор збуваня Атлетски клуб „Маратон” Зомбор.