Зашедала Kомисия за национални меншини

309 Опатрене

СЛОВАЦКА, БРАТИСЛАВА – Перша тогорочна схадзка Совиту Влади Словацкей за людски права, национални меншини и родну ровноправносц отримана початком того мешаца у Братислави. То 48. схадзка по шоре актуалного зволаня Русинох у тим совиту представяю Милан Пилип зоз Бардейова и Петро Медвидь зоз Прешова.

Предсидатель Совиту, Ласло Буковски, поинформовал о стану у образованю, информованю и службеним хаснованю язика у 2021.  и 2022. року. На сходзе прилапени документ о националней радио-дифузней компаниї РТВС (радио и телевизия Словацкей) хтори поднєсол директор  Атила Ловас.

Представителька Министерства одбрани и представителька Европскей униї Републики Словацкей Барбара Илкова представела Документ о напредованю и резултатох пиятого кругу провадзеня Рамиковей конвенциї о защити националних меншинох у Словацкей. Мониторинґ хтори ше периодично роби утвердзує у хторих обласцох Словацка унапредзела права националних меншинох.  

У документу з мониторинґу мож найсц препоруки же ше муши злєпшац потримовку култури националних меншинох, окреме тих меншинох хтори малочислени. Окреме визначене же треба унапредзиц и потримац образованє на русинским и українским язику. 

ПОВЯЗАНИ ТЕКСТИ