За викенд будзе виключованє струї

автор Вл. Дїтко
340 Опатрене

ШИД – На соботу, 18. новембра од 6 по 18 годзин и на нєдзелю 19. новембра од 7 по 15 годзин будзе рестрикция електричней енерґиї у Шидзе, Адашевцох, Вашици, Илинцох, Батровцох, Моровичу, Ямени, Ґибарцу и Бачинцох.

Як наводзи Електродистрибуция, до рестрикциї придзе пре роботи на заменьованю такволаних гаварийских слупох хтори положени после нєпогоди од 23. септембра кед при Бачинцох витор звалєл електро-слупи, хтори тераз буду заменєни зоз стандарднима слупами пре векшу сиґурносц у випоручованю електричней енерґиї.

Електрдистрибуция у сообщеню нє наводзи чи роботи буду преложени у случаю подлей, нєвигодней хвилї.

ПОВЯЗАНИ ТЕКСТИ