ДЮРДЬОВ – Концом новембра майстрове почали рипац стару фарбу на Церкви Рождества Пресвятей Богородици.
По першобутним плану требала буц орипана и обилєна лєм предня часц церкви и турня, алє у медзичаше назберане средства, та будзе орипана и обилєна цала церква.
Кажде хто жада и ма можлївосц може ище вше придац добредзечни прилог на парохию кажди роботни дзень и соботу медзи 11 и 14 годзин при Николаї Кузманович. Назберани средства буду похасновани за обнову церкви и часцох котри треба ушориц або оправиц як цо ошвиценє на церкви.
Прешлого тижня коло церкви у дворе и на улїци посадзени древка и рошлїни дзекуюци сотруднїцтву на проєкту зоз Каритасом Епархиї св. Миколая. Проєкт на тему зменшованя ризику од елементарних нєпогодох и защити животного штредку, о векшим анґажованю младих и волонтерох, одпорносц дзецох и о здруженьох, о особох зоз инвалидитетом як и їх умрежованю зоз институциями, ище тирва.
