РУСКИ КЕРЕСТУР – У рамикох Жимскей школи Землєдїлска задруґа Капсикум Анум зоз Руского Керестура, штварток 30. януара, у ресторану Бостон у центру Руского Керестура отримала пияту презентацию за польопривреднїкох.
По тераз у Руским Керестуре госцовали компаниї: Аґросава – Милана Яничиєвич, Аґриматко – Зоран Попов, Прима Био Солушн (Prima Bio Solution) – Райко Лазич, ТМБ Даймонд Аґрар (TMB Diamond Agrar) – Николина Арсенац, Синґента (Syngenta) – Весна Цер, Зелени хит – Иґор Гаргаї, Смек Комерц ҐЕО 2 – Боян Манойлович, Ґаленика Фитофармация – Станоє Бранкович, Аґриталия – Нада Сукняя, Инґел Аґро – наводньованє и приключни польопривредни машини, ЗКИ – нови гибрид паприґи и Гортицентер, Полино пласт и Польопривредна фахова служба Вербас.


Шицки хижи презентовали свойо продукти, дискутовали, совитовали и понукали ришеня же би цо лєпше и квалитетнєйше випродуковали и защицели културу котру людзе уж посадзели, або за културу котру ше одлуча посадзиц.
Штварток 30. януара, на презентациї компания ЗКИ представела пейц нови гибриди: Тара Ф1, ЗКИ 09422 Ф1, Торнац Ф1, ЗКИ 09136–011 Ф1 и Зора Ф1 и предсатвени їх ключни характеристики, а тиж Польопривредна фахова служба Вербас бешедовала о сертификатох за хтори польопривреднїки буду мушиц покладац тести же би могли правилно хасновац пирскачки.
Презентациї ше отримує кажди вовторок и штварток у ресторану Бостон на 16 годзин, а присуствовац можу шицки заинтересовани.
