Даниєла Тамаш

Danijela TamasДАНИЄЛА ТАМАШ народзена 18. септембра 1973. року у Новим Садзе. Основну школу закончела у Коцуре, а стредню медицинску у Новим Садзе. Дипломовала на дефектолоґийним факултету – напрям лоґопедиї у Беоґрадзе, дзе закончела и маґистерски студиї. Докторовала 2015. року на Факултету за специялну едукацию и регабилитацию, олиґофренолоґию.

Жиє и роби у Новим Садзе як дефектолоґ у ШОСО „Милан Петрович”, дзе свойо намаганя унапрямує у третманє особох зоз аутизмом. Робела илустрациї за дзецински часопис Заградка и фарбянку Сказка о билим зубу, а заступена є и у Моноґрафиї Подобова творчосц Руснацох. Участвовала на даскелїх колективних виставох у Новим Садзе, Вербаше и Коцуре. Поезию обявює у Литературним слове, и у других виданьох по руски. Кнїжку Чловек з писку обявела 2008. року, а 2020. року кнїжку за дзеци Страшидла, нє зашмеюйце ме.