Серафина Макаї

Serafina Makaji

СЕРАФИНА МАКАЇ народзена 21. септембра 1945. року у Коцуре. Робела як библиотекар у коцурскей Читальнї, а познєйше як наставнїца мацеринского руского и сербского язика у Основней школи „Братство-єдинство” у Коцуре. Першу збирку писньох за дзеци „Фестивал животиньох” друковала 1979. року, збирку за старши дзеци Вчера сом ше ошацовал 1991. року, а кнїжку гуморескох И ми, вера, циркус правелї 2007. року, як и драмски слички за дзеци Бавме ше на бини (2009). Кнїжка приповедкох за дзеци Злагода обявена 2016. року.

Пише поезию и прозу за дзеци и за старших, як и монодрами и гуморески. Занїма ше и зоз мальованьом на склу. Мала вецей самостойни и колективни вистави у нас и у иножемстве.

За успишну педаґоґийну и литературну дїялносц є вельо раз наградзована, а добитнїк є и Октоберскей награди городу Вербас за 2000. рок. Член є Здруженя писательох Войводини и Дружтва подобових уметнїкох-аматерох у Вербаше.