Александар Чизмар з Керестура освоєл путованє на финале Лиґи Европи

автор маз
940 Опатрене

РУСКИ КЕРЕСТУР – Александар Чизмар з Руского Керестура освоєл путованє на финале УЕФА Лиґи Европи до Стокхолму, до Шведскей, понеже достал главну „Амстелову” награду у бависку „Дриблай до финалу”, хтору ше три тижнї бавело на сайту новинох „Блиц”.

Александар, котри и длугорочни фодбалер керестурского „Русину”, до Стокхолму руша на сам дзень финалного змаганя медзи „Аяксом” з Голандиї и „Манчестер Юнайтедом” з Анґлиї, 24. мая. Награда подрозумює уходнїцу за змаганє и карту за авион, змесценє, драгово и здравствене осиґуранє, як и превоз у Стокхолму.

– Бависко ше состояло з трох циклусох, кажди тирвал тидзень и хто витворел найлєпши резултат – достал главну награду. Кажди бавяч мал право бавиц кажди дзень по дзешец раз, а з лабду требало прейсц цо вецей метери терену за цо кратши час, з дрибланьом процивнїкох. На финалне змаганє идзем з ище штирома особами котри тиж достали награди, алє у других бавискох – гварел Чизмар за Рутенпрес. 

Прешлого року, прейґ истей орґанизациї, алє у иншаким бависку, награду тиж достал єден Керестурец.

ПОВЯЗАНИ ТЕКСТИ