ДЮРДЬОВ – У дюрдьовским КУД „Тарас Шевченко” всоботу, 4. фебруара oтримани Бал Широких сукньох, чийо орґанизованє у просторийох КУД почало пред шеснац роками. Того року Бал знїмала и екипа ТВ-емисиї „Око маґазин” Радио-телевизиї Сербиї, як часц емисиї о Руснацох.
На Балє було 105 госцох з Дюрдьова, Шиду, Жаблю, Вилова, алє и з Канади. У руских шветочних пасових сукньох були три домашнї дзивки, як и троме леґинє у народним облєчиве.
Спред Дружтва госцох на Балу привитал Мирослав Чакан, грал „Микс бенд” з Руского Керестура, орґанизована и богата томбола, а бициґла, як традицийна главна награда, остала у Дюрдьове.