КОЦУР – У Пелетовей сали у Коцуре всоботу, 4. фебруара, отримани традицийни „Жатвов бал“, хтори орґанизовало Културно-уметнїцке дружтво „Жатва“.
Бал отворел подпредсидатель Националного совиту Руснацох Микола Шанта и окреме похвалєл младих членох КУД „Жатва“, котри того року перши раз у векшим чишлє участвовали у Орґанизацийним одборе Балу.
На Балє було коло 200 госцох, а окрем домашнїх були и госци з Вербасу, Руского Керестура, Нового Саду и других местох.
За музику бул задлужени оркестер „Коцурски бетяре“, а Орґанизацийни одбор ше остарал и за богату томболу. Даскельо вреднєйши награди були апарати до кухнї, а главну награду – мини шпоргет, достали домашнї.