СРИМСКА МИТРОВИЦА – Вчера, на Вознесенє Господнє, грекокатолїцка церква и вирни парохиї у Сримскей Митровици преславели храмове швето – Кирбай.
Архиєрейску Службу Божу предводзел апостолски еґзарх за грекокатолїкох у Сербиї владика Георгий Джуджар, а сослужовали священїки з нашого Апостолского еґзархату и госци зоз Словацкей Републики.
У казанї преосвящени владика здогаднул же ше Исус 40 днї после воскресеня воздзвигнул на нєбо, а своїм ученїком котри го провадзели гварел най иду и научую слово Боже.
Кир Георгий визначел и же нам Исус дал можлївосц спасеня, за цо но нє достаточне лєм буц член церкви, алє и жиц активни духовни живот и буц порихтани на стретнуце з Богом.
Домашнї парох о. Владислав Варґа подзековал владикови, священїком и чесним шестром же пришли возвелїчац Кирбай, а тиж вирним повинчовал Кирбай.
После Богослуженя бул тардицийни обход коло церкви з читаньом євангелийох, а на концу одшпиване „Многолїтствиє“.